20-апрель күнү кечинде каза болгон Кыргыз Республикасынын Эл артисти, ак таңдай акын, обончу Элмирбек Иманалиевдин күйөө баласы Мирзат Муканов Фейсбуктагы баракчасы аркылуу элге кайрылды. Ал акынды акыркы сапарга узатуу иш-чарасы мамлекеттик телеканалдар аркылуу түз ободо чагылдырып турарын айтып, кыргызстандыктарды үйдө болууга чакырды.
“Эртең саат 9-30да митинг, 10-30да көрүстөнгө бет алабыз. Мунун бардыгы КТРК, Ала-Тоо-24, ЭЛТР телеканалдарында, Маданият, маалымат жана туризм министрлигинин Фейсбук менен Инстаграм барактарында чагылдырылат. Атабызды урматтап, кайгыбызды тең бөлүшкөнүңүздөр үчүн ыраазыбыз. Жай учур болсо, башкача болмок эле... Бүгүнкү кырдаал бардыгыбызга маалым. Андыктан, үйүңүздөрдө эле болушуңуздарды өтүнөбүз. Бизге мүмкүн болушунча аз эл болушу керектиги эскертилди. Бирок, эл деген - эл экен...”, - дейт ал.
Пикирлер (4)