Кыргызстандын Эмгек министрлигинин Россиядагы өкүлчүлүгү мигранттарды социалдык тармактар аркылуу ишке тарткан алдамчыларга ишенбөөгө чакырды.
Маалыматта адамдарды террордук актыларга азгыруу үчүн соцтармактарда үгүт иштери жүрүп жатканы белгиленген.
"Популярдуу Telegram сыяктуу мессенжерлер аркылуу адамдарды, өзгөчө жашы жете элек балдарды Россиянын аймагында террордук актыларга катышууга активдүү үгүттөгөн аракеттер жүрүп жатканын эскертебиз. Жалдоочулар таанышуу сайттары аркылуу да иштешет. Алар көбүнчө депрессияга же кандайдыр бир кыйынчылыкка кабылган адамдарды кайырмагына илүүгө аракет кылышат", — деп айтылат маалыматта.
Өкүлчүлүк Россиянын аймагында жашаган же убактылуу жүргөн кыргызстандыктарды ар кандай чагымдарга алдырбоого, социалдык тармактар аркылуу жумушка орношпоого, түрдүү акцияларга катышпоого, ошондой эле балдарды көзөмөлдөөгө чакырат.
Министрлик террордук актыга катышкандар Россиянын мыйзамдары боюнча өмүр бою эркинен ажыратыларын эскертти.
Пикирлер (0)
Пикир жок. Сиз биринчилерден болушуңуз мүмкүн