Эмил Жамгырчиев Жогорку Кеңештин комитетинин жыйынына катышты

Депутат Эмил Жамгырчиев (Альянс) өзү мүчө болгон Жогорку Кеңештин Мыйзамдуулук жана укук тартиби боюнча комитетинин 16-январдагы жыйынына келди.

Белгилей кетсек, эл өкүлү 9-январда парламенттин 2-кабатынан секирип качып кеткен.

10-январда Башкы прокурордун депутатты мыйзам жоопкерчилигине тартуу боюнча суранычын депутаттык комиссия оң жообун берген.

Жамгырчиевге 2022-жылдын декабрь айында Өзбекстан менен мамлекеттик чек араны мыйзамсыз кесип өткөнү үчүн иш козголду. Өзбекстанда эки иш козголгон: мамлекеттик чек араны мыйзамсыз кесип өтүү жана алдамчылык фактысы боюнча.

Анын кайда экени 12-январга чейин белгисиз болгон. Ошол күнү ал УКМКга суракка келген.