Саламаттыкты сактоо министринин орун басары Нурболот Үсөнбаев 22-майдагы брифингде акыркы учурда эмне себептен коронавируска чалдыккан жаңы учурлар көбөйүп кеткенин түшүндүрдү. Анын айтымында, калк арасында санитардык тартипти сактабаган адамдардын кесепетинен байланышта болгондор көбөйүп кеткен.
“Эмне себептен акыркы убакта көбөйүп кетти? Биринчиден байланышта болгондор көбөйдү, керектүү аралыкты сактаганга көңүл бөлбөй жатабыз. Нарын облусунда кызмат адамы Ак-Талаага барып ал жакта байланышта болуп, жергиликтүү тургундарга жайылган. 74 жаштагы адам балдарга, мектеп окуучуларына жугузуп койгон. Кайдыгерлик кылып, илдетке жоопкерчиликсиз карап жаткандан көбөйүп жатат”, - деди Үсөнбаев.
Пикирлер (0)
Пикир жок. Сиз биринчилерден болушуңуз мүмкүн