Тажикстандын президенти Эмомали Рахмон Согди облусунун Ворух аймагына иш сапары менен келди. Бул тууралуу «Азия-Плюс» басылмасы билдирди.
Президенттин катышуусунда өлкөнүн Эгемендүүлүгүнүн 30 жылдыгына карата 7 ири объектинин ачылышы болот. Улуттук желектин аянты, Маданият ордосу (Кохи фарханг), мектептин жаңыланган имараты, ичүүчү суу менен камсыздоо линиясы, калкты тейлөө борбору, тигүү цехи, кондитердик цех жана интенсивдүү бакча ачылат.
Рахмон Ворухтун активисттери жана тургундары менен да жолугушат.
Эске салсак, УКМКнын төрагасы Камчыбек Ташиев чек араны тактоо үчүн Тажикстанга Ворухту алмашуу сунушун бергенин айткан.
Пикирлер (0)
Пикир жок. Сиз биринчилерден болушуңуз мүмкүн