Энергетика министрлиги кышында электр менен жылытууга тыюу салууну пландоодо. Бул тууралуу министрдин орун басары Таалайбек Байгазиев Биринчи радионун түз эфиринде билдирди.
Ал жылытуу мезгилинде электр жарыгын өчүрүүлөр болбойт деп ишендирди.
«Суунун тартыштыгына байланыштуу электр менен жылытууга толугу менен тыюу салууну көздөп жатабыз. Өчүрүүлөр болбойт. Биз жарыктын үзгүлтүксүз берилишин камсыз кылабыз, жөн гана үнөмдөө режимине өтүңүздөр. Ар бир үйгө керектүү өлчөмдө электр энергиясы берилет. Иш-чаранын башталышында жана аягында электр энергиясын үнөмдөө керек деген жарнактарды радио, телевидение аркылуу көрсөтүп турабыз. Бирок муздаткыч, телевизор, электр плиталары үчүн свет болот», - дейт Таалайбек Байгазиев.
Аткаминер электр энергиясын импорттоо маселеси чечилип жатканын белгиледи. Кыргызстан Орусия менен Түркмөнстандан электр энергиясын сатып алат.
Пикирлер (0)
Пикир жок. Сиз биринчилерден болушуңуз мүмкүн