Өлкөдөгү абалды эске алуу менен бюджетте жетиштүү каражат барбы? Министрдин жообу

Жакында эле биз тараптан чукул бюджет кабыл алынды, деди финансы министри Бактыгүл Жеенбаева 23-июндагы онлайн брифингде.  

Министр "Кыргызстанда эпидемиологиялык абалды эске алуу менен бюджетте жетиштүү каражат барбы?" деген суроого жооп берип жатып: "Биз мүмкүн болгон бардык тобокелдиктерди максималдуу түрдө эске алууга аракеттендик. Өзүңүздөр билгендей, COVID-19 менен күрөшүү үчүн жетиштүү өлчөмдө каражат тартылган, ошол эле учурда, бардык саламаттыкты сактоо линиясы боюнча төлөмдөр эске алынган. Эгерде кырдаал курчуп кетсе, анда биз тиешелүү чараларды көрөбүз", - деди. 

Ошондой эле министрдин айтымында, дефицит Мамлекеттик салык кызматы тарабынан  - 5,5 млрд сомду жана Бажы кызматы тарабынан - 7,7 млрд сомду түздү. Бул 5 айдын ичинде жалпы алганда 13,3 млрд сомго жакын каражат. 

"Экономикалык ишмердүүлүк кайра жанданып, чек аралар ачылганда бардык жетишпестиктерди толуктайбыз деп ишенебиз", - деп белгиледи Б.Жеенбаева.