Айыл, суу чарба жана аймактарды өнүктүрүү министрлигинин өсүмдүктөрдү коргоо жана карантиндөө бөлүмүнүн башчысы Ж.Н.Н. кармалды. Бул тууралуу УКМКнын маалымат кызматынан кабарлашты.
Буга чейин УКМК тарабынан мамлекеттин айыл чарба азыктарын ЕАЭБ өлкөлөрүнө ташуунун жол-жоболоруна анализ жүргүзүлүп, натыйжада айыл чарба азыктарын экспорттоодо жасалма тоскоолдук жараткан топ аныкталган.
"Мындай аракеттердин жыйынтыгында өндүрүүчүлөр ЕАЭБ өлкөлөрүнө азыктардын үзгүлтүксүз өтүшү үчүн кызмат адамдарына жана логистикалык компанияларга ири суммадагы акча төлөөгө мажбур болушкан. Тергөөнүн алкагында кылмышка тиешеси бар делип Айыл, суу чарба жана аймактарды өнүктүрүү министрлигинин өсүмдүктөрдү коргоо жана карантиндөө бөлүмүнүн башчысы кармалды", — деп айтылат билдирүүдө.
УКМК бул кылмышка тиешеси бар бардык адамдарды аныктоо боюнча ишин улантууда.
Пикирлер (0)
Пикир жок. Сиз биринчилерден болушуңуз мүмкүн