Кыргызстандык балбан Эрназар Акматалиев Монголиядагы эркин күрөш боюнча Азия чемпионатынын финалына чыкты. Бул тууралуу Бириккен күрөш дүйнөсүнүн сайтында айтылат.
Жарым финалда Акматалиев (70 кг) монголиялык Тэмуулен Энхтуяга аз жерден утулуп кала жаздады. Күрөштүн башында Эрназар алты упайды алдырып жиберди. Бирок күчүн бир муштумга чогултуп атаандашын 12:6 эсебинде артта калтырды.
Кыргыз балбаны мелдештин чейрек финалынан баштап катышып, индиялык спортчуну 6:3 эсебинде жеңип алган.
Финалда Эрназар Акматалиев япон спортчусу Таиши Нарикуниге каршы күрөшөт.
Пикирлер (0)
Пикир жок. Сиз биринчилерден болушуңуз мүмкүн