Эртең Чүй проспектисинин бир бөлүгү убактылуу жабылат

Эртең, 1-июлда Чүй проспектиси жабылат. Бул тууралуу мэриянын басма сөз кызматы билдирди.

Маалыматка ылайык, Чүй проспектисинин Панфиловдон Эркиндик бульварына чейинки бөлүгү саат 18.00дөн 00.00гө чейин «Чек талап кыл - байге утуп ал!» лотереясынын утуштары ойнотулуп жатканына байланыштуу жабылат.

Мамлекеттик салык кызматынын маалыматы боюнча, 13 супер байге ойнотулат: 10 электромобил жана 3 чет өлкөгө саякат, ошондой эле аянтка келген көрүүчүлөр үчүн гана 15 заманбап смартфон.

Лотерея кызыктуу шоу-программа жана эстрада жылдыздарынын катышуусунда чоң концерт менен коштолот.

Иш-чара саат 19.00дө башталып, түз эфир УТРКдан, ошондой эле Салык кызматынын Facebook жана Youtube баракчаларында көрсөтүлөт.