Бишкек шаардык соту президенттик аппараттын мурдагы башчысы Фарид Ниязовдун бөгөт чарасын кароо боюнча бүгүн, 25-декабрга белгиленген отурумду башка күнгө которду. Бул тууралуу Ниязовдун адвокаты Замир Жоошев билдирип, аны тергөө абагынан сотко алып келишпегендиктен улам отурум 28-декабрга которулганын айтты.
Жактоочулар шаардык сотко райондук соттун чечимин жокко чыгарып, Ниязовду үй камагына бошотууну өтүнүп кайрылышкан.
Эске салсак, быйыл 9-октябрда Бишкектин Ала-Тоо аянтындагы башаламандык үчүн шектүү катары кармалган Ниязовду Биринчи Май райондук соту тергөө абагына камап, мындай бөгөт чарасынын мөөнөтүн 10-февралга чейин узарткан.
Пикирлер (0)
Пикир жок. Сиз биринчилерден болушуңуз мүмкүн