Феликс Кулов Чехиядагы мейманканасы боюнча маалыматка жооп берди

Буга чейин “Ар-Намыс” партиясынын лидери Феликс Куловдун Чехиянын эң престиждүү Карловы Вары шаарында кымбат баалуу мейманканасы тууралуу маалымат тараган. Ал Куловдун жубайына катталганы да айтылган. Буга саясатчы Фейсбуктагы баракчасы аркылуу жооп берди. Ал ошол имаратты тапкан адамга өткөрүп бере турганын билдирген.

 “Мен мындай маалыматка эл ичинде айтылгандай “Болсун” деп жооп берет элем. Ошондой болсо да аны аныктап чыккан каалаган адамга өткөрүп берет элем. Эгер аныктаса. Ал эми эки бөлмөлүү батир Бишкектеги баа менен эле алынган. Ал экинчи жубайыма тиешелүү. Экинчи жубайым бир тууганы менен көп жыл бою бизнес кылып, бир күн да мамлекеттик кызматта иштеген эмес”, - дейт ал.