Бүгүн, 30-июнда Жогорку Кеңештин жалпы жыйынында "Жалган жана такталбаган маалыматтан коргоо жөнүндө" мыйзам долбоору парламенттеги депутаттардын добушуна биринчи окууда коюлду.
Катуу талкуудан кийин Жогорку Кеңештин депутаттары аталган мыйзам долбооруна добуш берди.
Депутаттардын 59у "макул" деп добуш берсе, 38 депутат "каршы" добуш берген. Жалпы 97 депутат катталган. Долбоордун өтүшү үчүн ага депутаттардын жарымынан көбү, башкача айтканда, 60тан ашыгы добуш бериши керек.
Эскерте кетсек, аталган мыйзам долбоору Гульшат Асылбаева тарабынан сунушталган. Бул мыйзам долбоору коомчулуктун нааразылыгын жараткан.
Пикирлер (0)
Пикир жок. Сиз биринчилерден болушуңуз мүмкүн