Филиппин жана Кореядан 58 кыргызстандык кайтып келди

Бишкекке Филиппинден жана Кореядан Кыргызстандын 58 жараны кайтып келди. Бул тууралуу Республикалык штабдан билдирди.

Маалыматка ылайык, “Манас” эл аралык аэропортуна Сеул-Бишкек-Сеул каттамы боюнча 58 кыргызстандык менен учуп келген чартердик каттамын тосуп алышты. Учурда бардык учуп келген адамдар бекитилген тартипте тийиштүү медициналык процедуралардан өтүү үчүн обсервацияга жаткырылган.

Аталган каттам Кореядан кыргыз жарандарын алып келип, кайра Кореянын, Япониянын жана АШКнын жарандарын алып чыгып кетүү үчүн корей тарабы менен макулдашылган.