Кечээ, 9-сентябрда Бишкектеги Д.Өмүрзаков атындагы стадиондо өткөн чечүүчү беттеште Кыргызстандын футбол боюнча (U-23) жаштар курама командасы Шри-Ланка менен ойноп, 6:0 эсебинде жеңишке жетти.
Голдорду Марлен Мурзахматов (2), Кими Мерк, Християн Браузман, Эрбол Абдужапаров жана Саид Дациев киргизди.
Бул жыйынтык менен курама 7 упай топтоп, «E» тайпасында 1-орунду камсыз кылып, 2026-жылкы Азия Кубогуна жолдомо алды.
Белгилей кетсек, бул жаш курактагы биздин курама тарыхта алгач ирет континенталдык биринчиликке чыгып жатат.
Азия Кубогунун финалдык баскычы 2026-жылдын 7–25-январь аралыгында Сауд Арабияда өтөт.
Пикирлер (0)
Пикир жок. Сиз биринчилерден болушуңуз мүмкүн