Кыргызстандык футболчу кыз Айдана Оторбаева дүйнөлүк Кесипкөй футболчулар ассоциациясынын (FIFPRO) 2020-жылдагы сыйлыгына талапкердин бири катары көрсөтүлдү. Бул тууралуу ассоциация Твиттер баракчасына жарыялады.
FIFPROнун барагында спортчу кыздын Кыргызстанда пандемия күчөп турган маалда ыктыярчылардын тобун түзүп, өмүрүн тобокелге салып, элге жардам берген каармандыгы белгиленген.
"Сиңирген эмгеги үчүн сыйлык" ("Merit Award") – футболго эмгеги сиңген адамдарга берилүүчү дүйнөлүк беделдүү сыйлык. Быйыл ага сегиз оюнчу көрсөтүлдү.
Пикирлер (0)
Пикир жок. Сиз биринчилерден болушуңуз мүмкүн