Германия саламаттыкты сактоо тармагына 4,5 млн бөлөт

Германия Кыргызстанга төрөт үйлөрү жана кургак учук ооруканасы үчүн 4,5 миллион евро бөлөт. Бул тууралуу Экономика министрлиги билдирди.

1-июнда Экономика жана соода министрлигинде министрлер кабинети менен Германия өкмөтү каржылык кызматташуу боюнча келишимге кол коюшту.

Каражат Бишкек, Ош жана Талас шаарларындагы перинаталдык борборлорду курууга жана жабдууга, ошондой эле Бишкектин кургак учукка каршы ооруканасын жабдууга жумшалат.

Тараптар Европа Биримдиги аркылуу кызматташуунун жаңы форматынын оң динамикасын жана келечегин белгилешти.