Германиянын Түндүк Рейн-Вестфалия штатынын эки аймагына кайрадан карантин киргизди. Мындай маалыматты чет элдик басылмалар жазып чыгышты.
Аймакта коронавируска кабылгандардын саны кескин өсүп, 500 миңден ашуун киши карантинге алынган.
Түндүк Рейн-Вестфалиядагы эт заводунда 1500 кызматкерге вирус жукканы аныкталып, алардын баары үй карантинине алынды.
Штаттын саламаттыкты сактоо министри калкты коргоо үчүн карантин чараларын кайрадан киргизүүгө аргасыз болуп жатканын билдирди.
Коңшу Варендорф аймагы дагы чектөөлөрдү киргизди. Эки аймакта музей, кинотеатр, спорт залдары жабылат.
Пикирлер (0)
Пикир жок. Сиз биринчилерден болушуңуз мүмкүн