Кыргызстандын грек-рим күрөшү боюнча улуттук курама командасынын машыктыруучу курамы өз каалоосу менен ишин аяктады. Бул тууралуу Күрөш федерациясынын башкы катчысы Сейтек Толтоев билдирди.
Анын айтымында алдыңкы күндөрү кайрадан шайлана турган машыктыруучулар курамы тууралуу маалыматтар берилет.
Белгилей кетсек, Уран Калилов башкы машыктыруучу, Азат Бейшебеков улук машыктыруучу, Атай Замирбеков 23 жашка чейинки спортчулардын курама командасынын машыктыруучусу болгон.
10 күнгө созулган Загреб шаарындагы дүйнө чемпионаты өз жыйынтыгына келип, Кыргызстандын балбандары жалпы 5 медаль менен өлкөгө кайтып келишти.
Пикирлер (0)
Пикир жок. Сиз биринчилерден болушуңуз мүмкүн