Грек-рим күрөшү боюнча улуттук курам Бишкеке кайтып келди

Грек-рим күрөшү боюнча улуттук курам окуу-машыгуу жыйындарынан кайтып келди. Бул тууралуу “Медиа центр” мультимедиалык-маалымат агентигине спорттун олимпиалык түрлөрү боюнча дирекциянын маалымат катчысы Мирлан Бекболотов билдирди.

“Грек-рим күрөшү боюнча улуттук курамдын балбандары кечээ, 18-мартта өлкөбүзгө кайтып келди. Аларды аэропорттон текшерүү учурунда эч кандай вирустун жок экени аныкталды. Спортчуларыбыз бир жума өз алдынча даярданышат. Марттын этегинде кайрадан окуу-машыгуу жыйынына чогулушат”, - деди Бекболотов.

Эске салсак, балбандарыбыз Россиянын Сочи шаарында 6-марттан 18-мартка чейин мелдештерге даярдык өткөрдү.

 

Окуу-машыгуу жыйынына Башкы машыктыруучу Азат Эркимбаев жана Улукбек Карачолоковдун коштосунда 12 спортчу барган.

Алар:

60 килограмм салмакта: Калы Сулайманов, Жоламан Шаршенбеков;

67 килограмм салмакта: Марлен Асикеев, Амантур Исмаилов, Халмурат Ибрагимов;

77 килограмм салмакта: Акжол Махмудов, Кайрат Түгөлбаев, Ренат Ильяз уулу;

87 килограмм салмакта: Атабек Азисбеков;

97 килограмм салмакта: Үзүр Жусупбеков;

130 килограмм салмакта: Роман Ким, Мурат Рамонов;