Гүлжигит Исаков: Марипов блогер эмес, чек ара боюнча расмий билдирүү жасасын

Мындай пикирин активист Гүлжигит Исаков митингге чыккан маалда “Азаттык” үналгысына билдирген.

“Жаңы шайланган өкмөт башчы Улукбек Марипов Төрт-Гүл суу сактагычынын башаты Тажикстанга өтүп кеткен деп айтып алды. Кандай деңгээлде, кайсы платформада, кайсы трибунада сүйлөсө да жол-жобосуна ылайык депутаттардын, элдин алдында расмий билдирүү жасасын. Блогерге окшоп, социалдык медиага жазып койгону жарабайт. Стенограмманы карай турган болсок, ал жерде Кайырма тууралуу сөз болгон эмес. Марипов Интерттеги билдирүүсүндө Кайырманы айтып жатат, бирок Жогорку Кеңеште суу сактагычтын башатын айткан. Кайырма деле Кыргызстанга караштуу”, - дейт ал.