UFCнин жеңил салмактагы чемпиону Хабиб Нурмагомедов апрелде беттеши болбой калса, кайра качан күч сынашууга даяр экенин айтты. Бул тууралуу чет элдик басылмалар жазып чыкты.
“Июнь, Июль, эки ай, андан кийин август. Мен беттешке чыга алам.
Менин угушумча, UFC августта Сан-Францискодо шоу уюштурууну көздөп жатыптыр. Эгер андай эмес болсо, сентябрдын ортосунда Абу-Дабиде беттешели.
Же болбосо азыр Рамазандын алдында. 18-апрелде биз кез келишибиз керек, бирок кайсыл жерде? Бул азыр суроо боюнча калат”, - деген Нурмагомедов.
Эске салсак, Хабиб Нурмагомедов профессионалдык рингде 28 беттеш өткөрүп, анын 18ин мөөнөтүнөн мурда жеңип алган. Россиялык мушкер буга чейин жеңилүү ызасына кабыла элек.
Пикирлер (0)
Пикир жок. Сиз биринчилерден болушуңуз мүмкүн