ИИМ: Эрежеге баш ийбеген 76 жаран кармалды

Бүгүн, 1-майга карата коменданттык саат киргизилген убакыттын ичинде жалпы республика боюнча талаптарды жана эрежелерди эскертүүлөргө карабай бузган 76 жаран кармалып, ички иштер органдарынын бөлүмдөрүнө жеткирилди.

ИИМдин басма сөз кызматы билдиргендей, алардын ичинен:

Бишкек шаарында – 48,

Ош шаарында - 5,

Жалал-Абад шаарында - 8,

Ат-Башы районунда - 15.

Ал эми Кара-Суу жана Ноокат райондорунда коменданттык сааттын эрежелерин бузуу боюнча тартип бузуулар катталган жок. Жалпысынан алганда 25-марттан баштап бүгүнкү күнгө чейин өлкө аймагында эрежеге баш ийбеген 3913 жаран милициянын кайгуул тобу менен кармалды жана 329 автоунаа токтотуучу жайга киргизилди.