ИИМдин Эл аралык кызматташтык башкармалыгынын башчысы Нурбек Жангабылов АКШнын Кыргыз Республикасындагы Элчилигинин аймактык коопсуздук бөлүмүнүн башчысы Марк Ричардсон менен жолугушту. Бул тууралуу ИИМдин басма сөз кызматы билдирди.
Маалыматка ылайык, Нурбек Жангабылов АКШнын элчилигине Кыргызстандын ички иштер органдарынын материалдык-техникалык базасын чыңдоого жана коомдук коопсуздукту камсыздоого кошкон зор салымы үчүн ыраазычылык билдирди. Элчилик тарабынан берилген техникалар милиция кызматкерлеринин кызмат өтөө сапатын бир топ жакшыртаары күмөнсүз.
Жолугушуунун соңунда Нурбек Жангабылов АКШнын Элчилигине кылмыштуу ишмердүүлүтү аныктоого жардам бергендиги үчүн ыраазычылык билдирди.
Тараптар өз ара аракеттенүүгө жана эки тараптуу кызматташтыкты өнүктүрүүгө даяр экендиктерин билдиришти.
Пикирлер (0)
Пикир жок. Сиз биринчилерден болушуңуз мүмкүн