ИИМдин республикалык окуу борборунда “Тил-элдин байлыгы жана баалуулугу” деген аталыштагы онлайн форматта атайын конференция өттү. Бул тууралуу ИИМдин басма сөз кызматы билдирди.
Маалыматка караганда, конференция 22-сентябрда “Кыргыз Республикасынын мамлекеттик тили жөнүндө” мыйзамынын кабыл алынгандыгынын 31 жылдыгына карата ИИМдин милициянын генерал-майору Ж. Шабиров атындагы республикалык окуу борборунда өттү.
Бул иш-чарага Мамлекеттик тил боюнча улуттук комиссиянын, Билим берүү жана илим министрлигинин, Президентке караштуу мамлекеттик башкаруу Академиясынын, күч түзүмдөрүнүн өкүлдөрү, ошондой эле ИИМдин УКЭКБнын мамлекеттик тил бөлүмүнүн жана башкармалыктардын, окуу жайлардын кызматкерлери катышты.
Конференциянын жүрүшүндө мамлекеттик тилдин учурдагы абалы жана ички иштер органдарында мамлекеттик тилдин өнүгүшү жана аны ар тараптан колдоо боюнча иштер жүргүзүлүп жаткандыгы белгиленди.
Конференциянын катышуучулары да мындан ары мамлекеттик тилдин өнүгүүсүнө өз ара кызматташууну бекемдөө тууралуу өздөрүнүн ойлорун айтышты.
Пикирлер (0)
Пикир жок. Сиз биринчилерден болушуңуз мүмкүн