Учурда коронавирус жуктурган бейтаптардын саны 700гө чукулдады, эгер ооруну токтотууну кааласак карантиндин мөөнөтүн улантуу керек деп ойлоп атам, деди Жогорку Кеңештин депутаты Исхак Масалиев “Медиа центр” мультимедиалык-маалымат агенттигине комментарий берип жатып.
“Эгер карантинди токтотсок кандай болот, ал жагын дагы ойлонуу керек. Эл кыйналып бүттү ага сөз жок. Бирок Саламаттыкты сактоо министрлиги 20-24-апрель күндөрү туу чокусуна чыгат деп айткан эле, чынында ал абалга жете элекпиз. Сырттагы адамдар текшерилип бүтө элек, азыр чек өлкөдөн жуктургандарды, алар менен байланышта болгондор, анан дарыгерлер гана текшерилип аныкталып жатат. Ошондуктан туу чокусуна жетти деп айтуу азырынча эрте”, - деди Масалиев.
Депутат белгилегендей, Коопсуздук кеңеши жыйынга чогулуп, маселени талкуулап сунуш бериши керек, анан акыркы чечимди президент кабыл алышы шарт.
Пикирлер (1)