Индияда жер көчкүдөн жыйырмадай адам каза болду

 

Индияда жер көчкү жүрүп, анын кесепетинен жыйырмадай адам каза болду. Бул тууралуу чет элдик басылмалар жазып чыкты.

Маалыматка ылайык, жаратылыш кырсыгынан Качард районунда 7, Хайлакандид районунда 7 жана Каримганж районунда 6 адам  каза болгону айтылат.

Ошондой эле Индияда болуп жаткан “Ампан” куюну, нөшөрлөгөн жаандын кесепетинен дарыялардагы суу көтөрүлүп көчкүнү алып келген. Соңку билдирүүлөргө караганда суу 24 миң гектар жерди каптап, жолдор, көпүрөлөр жана инфраструктураны талкалаган. 

                                                                                                

Бийликтин берген маалыматы боюнча суулардын ташкындоосунан 372 миң адам жабыркаган.