Индияда жыландын өз куйругун жегенге аракет кылган видеосу социалдык тармактарга тарады. Бул тууралуу Lenta.ru басылмасы жазды.
Видеону Индиянын токой кызматынын офицери Сюзанта Нанда өзүнүн твиттердеги баракчасына жүктөгөн. Видеодо көрүп тургандай, жылан 32 секунд өзүнүн куйругун тиштеп турган, анан анын оозуна суюк затты куйганда гана куйругун бошоткон.
Нанданын айтымында, жыландардын бул түрү бака, балык жана башка өзүнөн кичине болгон сойлоочу жандыктар менен азыктангандыктан, көпчүлүк учурда өз куйругу менен чаташтырып, өзүлөрүн жей башташат.
Буга чейин Таиланддын Прачинбури провинциясында үч метрлик падыша кобрасы бир жыланды кармап, жаш балдардын көзүнчө жутуп алгандыгы видеого тартылып калган.
Пикирлер (0)
Пикир жок. Сиз биринчилерден болушуңуз мүмкүн