Интернетти чектеген мыйзам кайра кабыл алынмай болдубу?

Ушул жылдын июнь айында Жогорку Кеңеш «Маалыматты манипуляциялоо жөнүндө» мыйзам долбоорун кабыл алып, аны президенттин кароосуна жөнөткөн эле. Ошол кездеги президент Сооронбай Жээнбеков коомчулуктун пикирин эске алуу менен бул мыйзамга кол койгон эмес. Тактап айтканда кайра иштеп чыгууга жиберген.

Жогорку Кеңештин депутаты Гүлшат Асылбаева сунушталган парламенттин кароосуна кайра кюлуп жатканын депутат Дастан Бекешев социалык баракчасы аркылуу кабарлады.

“Элдин баары референдумду талкуулап жатканда бизге сюприз тартуулады. «Маалыматты манипуляциялоо жөнүндө» 5-маселе болуп кириптир”, - дейт ал.