Түркияда жашы жете элек өспүрүмгө сексуалдык ыдык көрсөткөнү үчүн издөөдө жүргөн адам Кыргызстандан кармалды. Бул тууралуу Ички иштер министрлигинен кабарлашты.
Маалыматка ылайык, 1984-жылы туулган А.С. аттуу Түркиянын жараны жашы жете элек өспүрүмгө сексуалдык ыдык көрсөткөн деген шек менен интерпол тарабынан издөөдө жүргөн адам кармалды. Колго түшкөн адам Кыргызстандын аймагына 2018-жылы келген жана жогорку окуу жайлардын биринде кара жумуш менен алектенип жүргөн.
Шектүү соттун чечими менен 1 айга тергөө абагына киргизилди. Аны өз өлкөсүнө экстрадициялоо маселеси чечилүүдө.
Пикирлер (0)
Пикир жок. Сиз биринчилерден болушуңуз мүмкүн