«Ынтымак» жана «Бирге» партиялары шайлоого бирге барат

Биригүү тууралуу меморандумга "Ынтымак" партиясынын лидери Марлен Маматалиев менен "Бирге" партиясынын өкүлү Бакыт Тентишев кол коюшту. 

Меморандумдун текстинде мындай деп айтылат: "Биз, төмөндө кол койгон саясий партиялардын өкүлдөрү шайлоочуларыбыздын жана партияларыбыздын мүчөлөрүнүн колдоосуна ээ болуу аркылуу парламентаризмдин өнүгүшүн, демократиялык мамлекетти курууну, Кыргыз Республикасынын социалдык-экономикалык өнүгүүсүн бекемдөө менен, жарандарыбыздын бакубаттыгы, тынчтык, туруктуулук жана Кыргызстандын жаркын келечеги үчүн жоопкерчиликти алып, демократиялык принциптерге таянуу менен "Ынтымак" саясий партиясынын туусунун алдына тең шартта биригип, 2021-жылдын 28-ноябрына дайындалган Жогорку Кеңештин депутаттарын шайлоого катышуу чечимин кабыл алдык". 

Меморандум түзүлгөндөн кийин Бакыт Тентишев "Ынтымак" саясий партиясынын тең төрагасы болуп шайланды.