Иорданиянын консулдугу Кыргызстанга 8 млн сомго жардам көрсөттү (фото)

Иордания Хашимит Королдугунун Кыргызстандагы Ардактуу Консулу Аль-Саббах Карам Самир Адиб мырза COVID-19 вирусуна каршы күрөшүүдө өзүнүн салымын кошту, деп билдирди Республикалык кычам штабдын басма сөз кызматы. 

Маалыматка ылайык, жалпы суммасы 8 млн сомдук азык-түлүк жана жеке гигиеналык каражаттары катары гуманитардык жардам бүтүндөй Кыргызстан боюнча социалдык жактан аярлуу үй-бүлөлөргө, медициналык кызматкерлерге, укук коргоо органдарынын кызматкерлерине, балдар үйлөрүнүн тарбиялануучуларына, карылар үйүнүн туруктуу жашоочуларына жана оор абалдагы топко кирген башка социалдык объектилерге берилет.