Ырчы Анжелика Кайратовна коронавирус жуктуруп алды. Бул тууралуу ырчы өзү Instagram баракчасынан түз эфир аркылуу элге жасаган кайрылуусунда билдирди.
Анын айтымында, кечээ, 4-апрелде дене табы көтөрүлүп,
абалы начарлай баштаган. Мындан улам ал ПЦР-анализ тапшырган, анын натыйжасында
COVID вирусун жуктуруп алганы аныкталды.
“Мындан эки күн мурун эл чогулган жыйналышка баргам. Эртеси жөтөлүп калыптырмын, кийинки күнү алым кетип, дене табым көтөрүлүп баштады. Учурда жыт сезбей калдым”, - деп билдирди ырчы.
Ошондой эле ал вирус жуктуруп алганын жаңы билгенде өзүн жаман сезип, ыйлагысы келгенин кошумчалады. Мындан улам жалпы элди коопсуздук эрежелерин сактоого, өзүн обочо алып жүрүүгө жана беткап тагынып жүрүүгө чакырды.
Пикирлер (0)
Пикир жок. Сиз биринчилерден болушуңуз мүмкүн