Бишкек шаардык травматология жана ортопедиялык илимий-изилдөө борборунда дарыланып жаткан ырчы Малик Аликеевге экинчи жолу операция жасалды. Бул тууралуу Маданият, маалымат жана туризм министрлигинин басма сөз кызматы билдирди.
Маалыматка караганда, операция 20-июлда жасалган. Андан министр Азамат Жаманкулов ырчынын абалынан кабар алды.
"Малик Аликеевге жамбаш сөөгүнө эки жолу операция жасалып, ал ийгиликтүү жыйынтыкталды. Жакынкы күндөрдүн ичинде ырчы ооруканадан чыгарылат", - деп айтылат маалыматта.
Буга чейин ырчынын буту жабыркап, операцияга муктаж экени маалымдалган
Малик Аликеев 1969-жылы Талас районунун Көпүрө-Базар айылында төрөлгөн. Ал «Мөлмөлүм», «Арзыкан», «Таласым» жана башка ырларды аткарып, элге таанылган.
Пикирлер (0)
Пикир жок. Сиз биринчилерден болушуңуз мүмкүн