Бишкек шаарынын Финансылык полиция башкармалыгынын кызматкерлери ыкчам иш-чараларды жүргүзүү учурунда, чет өлкөдө өндүрүлгөн тамеки буюмдарын акциздик маркасы жок 500 миң таңгактан ашыкча аткезчилик факты менен келгенин аныкташты. Бул тууралуу аталган мекеменин басма сөз кызматы билдирдию
Белгилүү болгондой, мыйзамсыз кадамга баргандар Иран Республикасынан "А.Н." аттуу жаранга тамеки заттарын ташып келишкен, ал эми бул жаран эч качан экономикалык ишмердүүлүк менен алектенген эмес жана салык органдарында каттоодо турган эмес.
Алдын-ала эсептөөлөр боюнча, жогоруда аталган тамеки буюмдарына акциздик салык болжол менен 20 миллион 738 миң сомду түзгөн.
Учурда чогултулган материалдар юридикалык баа берүү үчүн Экономикалык кылмыштарга каршы күрөшүү мамлекеттик кызматынын Тергөө башкармалыгына өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн