Ишкер Улан Ысаков Кызыл-Кыяда спорт комплексин курду

Учурда эмне көп, мектептен мечит көп. Аны деле жеке ишкерлер куруп жатканын билебиз. Бирок, ошол эле жеке ишкерлерибиздин аз да болсо мектеп, спорт комплекстерин куруп берип жатышканы кубанычтуу көрүнүш.

Бүгүн, 28-январда Кыргызстандын дээрлик бардык ЖМКлары жазып жаткандай,  Кызыл-Кыя шаарында жеке ишкер Улан Ысаков өз каражатынын эсебинен шаар калкынын ден соолугун чыңдоо максатында “Чемпион Арене” деп аталган заман талабына ылайык, спорт комплексин куруп, пайдаланууга берди.

Спорт комплексине келсек төрт кабаттуу, 1-кабатында гимнастика менен машыгуу, 2-кабаты айымдар, 3-кабаты мырзалар үчүн, 4-кабатында аскердик самбо, эрежесиз уруш жана башка спортун түрлөрү менен машыгууга ыңгайлуу шарттар жасалган.

Анын натыйжасында 10дон ашуун жумуш оруну түзүлдү.