Ишкерликти колдоонун 1-этабына 14 млрд сом багытталат

Экономиканын артыкчылыктуу секторлорун жеӊилдетилген тартипте насыялоо жана колдоо программаларын ишке ашырууга башталгыч этапта 14 млрд сомдон кем эмес каражат багыттоо пландалууда. Бул тууралуу Республикалык штабдан маалымдашты.

Ал эми жалпысынан 2020-2021-жылдарга 40 млрд сомдон кем эмес каражат сарпталат. Бул каражаттар ички жана тышкы булактардан тартылат.

Экономикалык ишмердүүлүктү баскычтуу кайра жандандыруунун экинчи топтомунун ишкерчилик субъекттерин каржылык жана фискалдык колдоонун чаралары:

- Антикризистик фонд түзүү;

- Орто жана чакан бизнестин субъекттерин жеӊилдетилген насыялоо программаларын киргизүү;

- “Кепилдик фонду” ААК 1 млрд сом суммасына капиталдаштыруу;

- Салыктык келишимдердин милдеттерин кайра карап чыгуу;

- Капиталдар жана мүлктү легалдаштыруу;
- Мамлекеттик жана муниципалдык мүлктүн ижара акысынан бошотуу.