Ичкиликтен чыккан уруш адам өмүрүн кыйды. Ысык-Ата районунда адам өлтүргөн жаран кармалды.
Чүй ОИИББнын басма сөз кызматы билдиргендей, 24-август күнү Ысык-Ата РИИБнө, Новопокровка айылынын тургуну 1978-жылы туулган Ш.О. өзүнүн үйүнүн короосунда, денесинде жаракаттар болуп табылгандыгы боюнча маалымат түшкөн.
Аталган окуя боюнча Ысык-Ата РИИБнүн тергөө кызматында Кыргыз Республикасыынн КЖКнин 122-статьясында ( адам өлтүрүү ) көрсөтүлгөн курам менен кылмыш иши козголгон.
Жүргүзүлгөн ыкчам-тергөө амалдарынын натыйжасында, бул кылмышты жасаган адам аныкталды. Ал өлгөн адамдын аялы 1983-жылы туулган Ш.Ю. болуп такталып, Кыргыз Республикасынын ЖПкнин 96-беренесинин талаптарына ылайык шектүү катары кармалып, убактылуу кармоо изоляторуна киргизилди. Кылмыш ичкиликтен келип чыккан уруштун айынан болгондугу аныкталды.
Тергөө уланып жатат.
Пикирлер (0)
Пикир жок. Сиз биринчилерден болушуңуз мүмкүн