Ысык-Атада салмагы 6,5 кг болгон ымыркай төрөлдү

Кыргызстанда бүгүн салмагы 6,5 килограммдык бала төрөлдү. Бул тууралуу Саламаттык сактоо министрлиги билдирди.

Ымыркай Чүй облусуна караштуу Ысык-Ата районунда кесарево жолу менен жарык дүйнөгө келди. Энеси бешинчи баласын төрөгөн.

Эске салсак, 2021-жылы Караколдо 6,6 килограммдык бала төрөлгөн. Ал эми 2023-жылдын жай айында борбор калаада салмагы 5 килограммдан ашык ымыркай жарык дүйнөгө келген.