Ысык-Ата районундагы жол кырсыктан жаш бала каза болуп, 4 адам жабыркады

Бишкек—Нарын—Торугарт айланма унаа жолунун 47-чакырымында жол кырсыктан 1 адам каза болуп, 4 адам жабыркады. Бул тууралуу ӨКМдин басма сөз кызматы билдирди. 

Маалыматка караганда, кырсык Ысык-Ата районунда 16-сентябрь күнү саат 16:08де Бишкек—Нарын—Торугарт айланма унаа жолунун 47-чакырымында (Кең-Булун айылы) болгон. Анда “Mazda 626” жана “Seat” үлгүсүндөгү унаалар кагышкан. 

Кырсыктын кесепетинен 1 жаш бала (аты-жөнү такталууда) каза болуп, 4 адам (1986-жылы туулган, 1993- жылы, 1985- жылы туулган эркек адамдар, 1960- жылы туулган аял киши) жабыркаган. 

ӨКМдин №21 өртө каршы куткаруу бөлүмүнүн куткаруучулары жеткенге чейин каза болгон баланын жансыз денесин тез жардам кызматы алып кеткен, ал эми жабыркагандарды куткаруучулар унаадан чыгарышып, тез жардам кызматына өткөрүп беришкен.