Ысык-Көл облусунда 8 медкызматкер коронвирус жуктуруп алышты. Бул тууралуу бүгүн, 4-сентябрдагы онлайн-брифингде cаламаттыкты сактоо министринин орун басары Нурболот Үсөнбаев билдирди.
Анын маалыматына караганда, жалпысынан бир сутка ичинде өлкө боюнча 9 медициналык кызматкер коронавирус жуктуруп алган. Анын ичинде Бишкек шаарында – 1, Ысык-Көл облусунда – 8.
Ошондой эле, бир суткада 9 медициналык кызматкер ооруканалардан дарыланып чыкса, үй карантининен 18 медициналык кызматкер айыгып чыгарылды.
Жалпысынан республика боюнча COVID-19 диагнозу менен медициналык кызматкерлер арасында – 3145 учур катталып, алардын ичинен 2533 медкызматкер айыккан.
Пикирлер (0)
Пикир жок. Сиз биринчилерден болушуңуз мүмкүн