Ысык-Көл облусунда жер титиреди

Ысык-Көл облусунун аймагында жер титирөө болду. Бул тууралуу Өзгөчө кырдаалдар министрлигинин маалымат кызматы кабарлады.

ӨКМдин алдындагы Сейсмология институтунун эсептөөлөрүнө караганда, жер титирөө 20-февралда саат 21:51де орун алган.

Анда айтылгандай, Ысык-Көл районунун Чок-Тал жана Тамчы айылдарында 3 балл, Өрнөк, Чырпыкты жана Чоң-Сары-Ой айылдарында 2,5 балл болуп сезилген.

Алдын ала маалыматтар боюнча жер титирөөдөн жабыркагандар жок жана эч нерсе кыйраган жок.