Ысык-Көл облусунун аймагында жер титирөө катталды

Ысык-Көл облусунун аймагында жер титирөө катталды. Бул тууралуу ӨКМдин басма сөз кызматы 11-сентябрда билдирди. 

Сейсмология институтунун маалыматына караганда, жер титирөө бүгүн саат 13:15те Ысык-Көл облусунун аймагында катталып, очогунда күчү 4 баллга жеткен. Жер титирөө Жети-Өгүз районунун Подгорное, Кызы-Суу айылдарында жана Каракол шаарында 3 баллга чейин сезилген.

Жер титирөөдөн жабыркагандар жана кыйроолор катталган жок.