3-февраль күнү, Кыргыз Республикасынын Президентинин Ысык-Көл облусундагы ыйгарым укуктуу өкүлү Мирбек Кожоев, биринчи орун басары Уланбек Далиев Кумтөр ишканасынын тыштан башкаруучу директору Тенгиз Бөлтүрүк менен жолукту. Бул тууралуу президенттин Ысык-Көл облусу боюнча ыйгарым укуктуу өкүлүнүн басма сөз кызматы кабарлады.
Жолугушууда облус жетекчилиги менен ишкананын башчысы Ысык-Көл облусунда Кумтөр ишканасы аткарып жаткан иштери жана алдыда жасала турчу жумуштар боюнча сүйлөшүүлөр болду.
Облус жетекчиси Мирбек Кожоев Кумтөр ишканасынын тыштан башкаруучу директору Тенгиз Бөлтүрүктү Ысык-Көл облусунун социалдык, экономикалык өнүгүшүнө кошкон салымы үчүн ардак грамотасы менен сыйлады.
Пикирлер (0)
Пикир жок. Сиз биринчилерден болушуңуз мүмкүн