Ысык-Көлдө жол кырсыгынан бир адам мерт кетти

Ысык-Көл облусунда жол кырсыгынан бир адам мерт кетип, 18 жаштагы жигит жаракат алды. Бул тууралуу Өзгөчө кырдаалдар министлигинен билдирди.

Маалыматка ылайык, Каракол шаарында 26-июнь күнү саат 03:03 чамасында Пристань-Пржевальск айылына бара жаткан унаа жолдо “AUDI A6” унаасынын айдоочусу рулду башкара албай жолдон чыгып, бакты сүзүп алган. Кырсыктын кесепетинен айдоочу (аты-жөнү такталууда) каза болуп, 18 жаштагы эркек адам оор жаракат алган. 

Куткаруучулар каза болгон адамды унаадан чыгарып ИИМ кызматкерлерине, ал эми жабыркаган адамды тез жардам кызматына өткөрүп беришкен.