Ысык-Көлдө азык-түлүккө бааны турукташтыруу боюнча мониторинг жүргүзүлүүдө

Монополияга каршы жөнгө салуу кызматынын эксперттери Ысык-Көл облусунун Чолпон-Ата, Балыкчы, Бостери, Чырпыкты, Тамчы, Чок-Тал курорттук аймактарында азык-түлүккө болгон бааларды турукташтыруу жана кызмат көрсөтүүлөрдүн акысы боюнча мониторинг жүргүзүүдө.

Ведомстводон белгилешкендей, мониторингдин жүрүшүндө Ысык-Көл облусунун аймагында соода жүргүзгөн ишкерлерге, баалардын негизсиз көтөрүлүшүнө жол бербөө жана "Атаандаштык жөнүндө", "Керектөөчүлөрдүн укуктарын коргоо жөнүндө" КР мыйзамдарынын талаптарын аткаруу боюнча түшүндүрүлдү.

Андан сырткары, жаңыдан чыгарылып баштаган кагаз баштыктар тууралуу, түшүндүрүү иштери жүргүзүлүп, маалыматтар берилүүдө.