Ысык-Көлдө кырдаал күчөп кеткендиктен Оштон дарыгерлер жардамга келди

Ош облусунан 6 дарыгер өз демилгеси боюнча пандемиялык кырдаал күчөп кеткенден улам кесиптештерине көмөк көрсөтүү максатында Ысык-Көл облусунун аймагына кетишти.

Республикалык штабдын маалыматы боюнча, Оштон барган топ Каракол шаарындагы облустук ооруканада изоляцияда иштешет. 5-августта дагы 2 реаниматолог дарыгер учуп барат.