4-июлда Ысык-Көл облустук бириккен ооруканасынын жалпы
педиатрия бөлүмүнүн башчысы Садыков Эдил Ахметович COVID-19 инфекциясынан каза болду.
Маалыматка ылайык, маркум акыркы 4 күндөн бери жандандыруу бөлүмүндө дарыланып жаткан.
Белгилей кетсек, Эдил Садыков 1958-жылы 19-октябрда Ак-Суу районунун Челпек
айылында туулган. Мектепти
бүтүргөндөн кийин 1975-жылы Кыргыз мамлекеттик медициналык институтуна тапшырып,
окуу жайды 1982-жылы аяктаган. Андан кийин 1 жылдык интернатурадан өтүү үчүн Ысык-Көл
облустук балдар ооруканасына жиберилген. Интернатураны бүткөндөн кийин 1983-жылы
ошол эле облустук балдар ооруканасында дарыгер-педиатр кызматына алынган.
“Медиа центр” мультимедиалык-маалымат агенттиги маркумдун жакындарына тереӊ кайгыруу менен көӊүл айтат.
Пикирлер (0)
Пикир жок. Сиз биринчилерден болушуңуз мүмкүн