Ысык-Көлдө жол кырсыгынан 20 жашка чыкпаган 3 жигит каза болуп, үчү жабыркады (Фото)

Ысык-Көл облусунун Түп районунда болгон жол кырсыкта 3 адамдын өмүрү кыйылды. Бул тууралуу "Турмуш" басылмасы  ӨКМдин басма сөз кызматына таянып билдирди.

Маалым болгондой, 12-апрелде саат 23:14 чамасында Балыкчы—Ананьев—Каракол унаа жолунун 204-чакырымында (Михайловка айылына жакын) «Тойота Камри» жана «Ауди С4» үлгүсүндөгү унаалардын катышуусунда жол кырсыгы катталган. Анын кесепетинен 3 жигит каза болду.

Алар:

- 2002-жылы туулган К.А.;

- 2001-жылы туулган Т.К.;

- 2001-жылы туулган Р.К.

Мындан тышкары 3 жигит жабыркаган.

Алар:

- 2000-жылы туулган Т.уулу Б.;

- 2000-жылы туулган А.уулу Ы.;

- 2000-жылы туулган Ж.Т.

Куткаруучулар каза болгон адамдардын жансыз денесин унаадан чыгарып, ИИМдин кызматкерлерине өткөрүп беришти. Ал эми жабыркагандар Түп райондук аймактык ооруканасына тез жардам аркылуу жеткирилди.

Куткаруу иштерине Каракол шаардык №15 өрт-куткаруу бөлүгүнөн 5 куткаруучу барган.