Ысык-Көлдүн акими медиктерди, ыктыярчыларды ишке чакырды

Ысык-Көл районундагы күндүзгү стационарларда  491 орун даярдалды. Бул тууралуу аким Данир Иманалиев билдирди. 

Анын айтымында, санаторий жана реабилициялык борбордо орундар даярдалды. 

"Ысык-Көл райондук ооруканада 90, өпкө оорулары эс алуучу санаторийде 80, Ананьево айылында 15 жана “Алтын Балалык” реабилитациялык борборунда 100, жалпысынан күндүзгү стационарларда 491 орун даярдалды", - деди ал. 

Анын айтымында, аймакта дарыгерлер жетишсиз болууда. 

"Тилекке каршы өлкөнүн көп аймактарында бар көйгөй бизде да курч турууда. Дегеним ушул стационарларда иштеп, оорулууларды кабыл алганга медиктер жетишпейт", - деди ал. 

Аким бардык дарыгерлерге, медайым, медагаларды, медик студенттерди, ыктыярчыларды ишке чакырып, аларга жатакана, тамак-аш акысыз болорун жана айлык маяна төлөнөрүн билдирди.